වැවුරුකන්නල පුද බිම
වැවුරුකන්නල බුදුරජ මහා විහාරයේ ඉතිහාසය මහනුවර යුගයේ රාජාධිරාජසිංහ යුගය දක්‌වා දිවයයි. එම රජතුමාගේ මඩකුඹුර වාසල දේවියගේ පුතා වැවුරුකන්නල පිහිටි ඉපැරණි ගිමන්හලෙහි භික්‍ෂූන් වහන්සේ කෙනකු ලෙස වාසය කොට ඇත. මහනුවරින් දුර ප්‍රදේශයක එලෙස වාසය කොට ඇත්තේ ආරක්‍ෂාව සඳහාය. උන්වහන්සේ "රජකුමාර හිමි" ලෙස ද ප්‍රදේශයේ ජනතාව විසින් ආමන්ත්‍රණය කළහ. රජකුමාර හිමි බුරුමයෙන් මෙරට උපසම්පදාව රැගෙන ඒමට වැඩම කළ භික්‍ෂූන් වහන්සේලා සත් නමගෙන් එක් නමක ලෙස සැලකෙති. මාතර නගරය පසුකරමින් හම්බන්තොට දෙසට කී.මී 15ක් දුර ගෙවා පැමිනිකල මුනගැසෙනා පුරවරය දික්වැල්ලයි.දික්වැල්ල නගරය පසුකර කී.මී 2ක් පමණ බෙලිඅත්ත දෙසට ගමන් කල විට නෙත් සිත් සනහාලන පියකරු හිදි පිලිමයක් ඔබ නෙත් අබියස පිලිබිබුවේ.
මිට වසර 250 කට පෙර සිoහල දේශය පාලනය කල රාජාධි රාජසිoහ රජ සමයේ නිර්මාණය වු "වැවුරුකන්නල" ඓතිහාසික පුජා භුමියකි. වැව-ඉවුරු-කොන්-හල යන සිවු වචන එක විමෙන් වැවුරුකන්නල යන නම ව්‍යහාරයට එකතු වි ඇතත් මෙම විහාරයට අතිතයේදී සුදස්සනා විහාරය ලෙස ප්‍රකටව පැවතුනි.
මෙම වෙහෙර බුදු ගෙවල් 3නකින් සමන්විත වන අතර පැරණිතම බුදුගෙය නිර්මාණය කොට ඇත්තේ 1870 වසරෙහිදිය.ඉපැරණි බුදුගෙය තුල ජාතක කතා හා බුද්ධ චරිතයේ ඇඹිමෙන් හා සිතුවමට නගා අලoකාර කර ඇත.බුදුන්වහන්සේගේ හා ශ්‍රාවක වහාන්සේලාගේ ධාතුන් හතලිස් නමක් වැඩ සිටින දාගැබ් වහන්සේ සහිත ඓතිහාසික වටිනා කමකින් යුතු විහාරස්ථානයකි ශ්‍රී ලංකාවේ විශාලතම ඔරලෝසුව තැන්පත් කොට ඇත්තේද වැවුරුකන්නල බුදු රජමහා විහාරයේය. 1927 දී එය නිර්මාණය කිරීමෙන් පසුව මග්ගොන සිට විහාරස්‌ථානයට රැගෙනවිත් තිබේ. වැවුරුකන්නල බුදු රජ මහා විහාරය ලෙස අද මෙම විහාරය හඳුන්වන්නේ අසූ අට රියන් සමාධි බුදු පිළිම වහන්සේ නමක් එහි ඉදිකොට ඇති නිසාවෙනි.
මාතර දිස්‌ත්‍රික්‌කයේ පිහිටි බැතිමතුන්ගේ නොමඳ වන්දනයට ලක්‌වූ බොදු පුදබිමක උරුමයක්‌ එලෙසින් වැවුරුකන්නලින්ද ප්‍රකට වෙයි.
වැවුරුකන්නල ඔරලෝසුව..
ගුරුත්ව බලයෙන් දුවන අරුම පුදුම ඔරලෝසුව
දික්වැල්ල වැවුරුකන්නල බුදුරජ මහා විහාරස්ථානය එහි ඇති සියක් රියන් බුද්ධ ප්‍රතිමාව නිසා ලෝක ප්‍රසිද්ධියට පත්වන විට, එහි කෞතුකාගාරයේ පිහිටුවා ඇති ශ්‍රී‍්‍ර ලංකාවේ විශාලතම යෝධ මහ ඔරලෝසුව ගෙනදී ඇත්තේ ඓතිහාසික වටිනාකමකි.
 |
පිත්තල දැති රෝද, දැව කොටස් හා වානේ කේබල් යොදා
සකස්කර ඇති යෝධ මහ ඔරලෝසුව |
පිත්තල දැති රෝද, දැව කොටස් හා වානේ කේබල් යොදා නිර්මාණය කරන ලද මේ විශ්මිත නිර්මාණයේ දැති රෝද ක්‍රියාත්මක වන්නේ වැරගැන්වීම තුළිනි.
(වයින් දැමීම) වැරගැන්වීමෙන් ක්‍රියාත්මක කරන ඔරලෝසුවල දැති රෝද හා කටු ක්‍රියාත්මක වීම දුන්නක් මඟින් සිදුකළ ද මේ විශ්මිත ඔරලෝසුවේ ක්‍රියාකාරීත්වය සිදුවන්නේ ගුªරුත්වාකර්ෂණ බලයෙනි.
ඒ සඳහා යොදාගෙන ඇත්තේ ඔරලෝසුවේ සිට අඩි 20 ක් පමණ පහළට කේබල් ආධාරයෙන් එල්ලන ලද පිත්තල සිලින්ඩර් දෙකකි. මේ එක් සිලින්ඩරයක බර රාත්තල් 112 කි.
ඔරලෝසුවේ දෙපස සවිකොට ඇති සිලින්ඩර දෙකෙන් එක් සිලින්ඩරයක් ඔරලෝසු යන්ත්‍රය ක්‍රියාත්මක කිරීම සඳහා ද, අනෙක් සිලින්ඩරය වේලාව සටහන් වන සීනුව නාදවීම සඳහා ද යොදාගෙන තිබීම විශේෂත්වයකි.
මේ ඔරලෝසුවේ දක්නට ලැබෙන තවත් සුවිශේෂී ලක්ෂණයක් වන්නේ වේලාව සටහන් කරන සීනුව ඔරලෝසුවේ සිට අඩි 150 ක් තරම් දුරින් දාගැබ සමීපයේ යකඩ කණු හතරක් මත තැනූ අට්ටාලයක සවිකර තිබීමයි. සීනුව නාදවීමට අවශ්‍ය සිලින්ඩර බලය කේබලයක් ආධාරයෙන් ලබාදී ඇත.
අඩි හතක් (07) ක් උඩ අඩි හයක් දිග හා අඩි හතරක් (04) පළල යන්ත්‍රයට සවිකර ඇති ඔරලෝසු මුහුණත් දෙකක් ද වන අතර යන්ත්‍රයටම සවිකර ඇති ඔරලෝසු මුහුණත අඟල් හයක (06) විෂ්කම්භයෙන් යුතුවද යන්ත්‍රයට නුදුරින් එළිමහනේ සිටින ජනතාවට වේලාව දැකගත හැකිවන සේ බිත්තියේ සවිකර ඇති ඔරලෝසු මුහුණත අඟල් තිහක (30) විෂ්කම්භයකින් යුතුවද තනා ඇත. මෙහි පැය හා අඩ පැය සටහන්වීමත් සමඟ සීනුව මඟින් දිවා රාත්‍රී දෙකේදීම දාගැබ් වහන්සේට ශබ්ද පූජා නිරායාසයෙන්ම පැවැත්වීම මෙහි ඇති විශේෂත්වයකි.
නිවාඩු පාඩුවේ වැවුරුකන්නල ඇවිත් යන්න අමතක කරන්නෙපා......
කොමන්ටුවක් දාලම යන්න.....
No comments:
Post a Comment